Германиянинг «Боруссия» (Дортмунд) клуби ҳужумчиси Пьер-Эмерик Обамеянг дунёнинг энг яхши ҳужумчиларидан бири бўлиш истагида эканини билдириб ўтди.
«Дунёнинг энг яхши ҳужумчиларидан бири бўлсам, хурсанд бўлган бўлардим. Криштиану Роналдунинг ноёб қобилияти бор, аммо у бу ютуқларни қўлга киритиши учун қаттиқ меҳнат қилган. Балки, мен ҳам худди шундай меҳнат қилсам, у эришган муваффақиятларга эришишим мумкин», дея Обамеянгнинг сўзларидан иқтибос келтиради Kicker.
Эслатиб ўтамиз, жорий мавсумда габонлик форвард Германия чемпионатида 17 учрашувда майдонга чиқиб 18 гол ва тўртти голли узатмага муаллифлик қилган. Европа Лигасида эса у етти марта рақиблар дарвозасини ишғол қилган.