"Атлетико" жамоаси бош мураббийи "Челси" бошқарувига ўтиши учун лондонликлар томонидан бажарилиши керак бўлган шартлар маълум қилинди.
The Telegraph нашрининг ёзишича, 45 ёшли аргентиналик мутахассис "Челси" раҳбарияти томонидан унга трансферларни мустақил равишда амалга ошириш имкони яратиб берилса, у таклифни қабул қилади.
Симеоне трансферларга "Челси"нинг техник директори Майкл Эменало аралашмаслигини истамоқда.
Бундан олдинроқ, "Челси" ушбу мутахассисга иш ва йилига 20 млн евролик маош таклиф қилгани ҳақида хабарлар пайдо бўлганди.
Эслатиб ўтамиз, "Челси" Жозе Моуриньони ишдан бўшатгач, мавсум охиригача жамоани бошқариб туриш учун Гуус Хиддинк таклиф қилинган. Янги мавсум учун мураббий масаласи эса ҳозирча ҳал қилинмаган.
Бу ўринга Хосеп Гвардиола ҳам асосий даъвогарлардан бири ҳисобланади.
