Янги мавсумга ҳозирликни давом эттираётган “Локомотив” бугунги машғулотни сунъий майдонда олиб борди.
Машғулотда Тимур Кападзе, Игнатий Нестеров, Маъмур Икромов, катта Жасур Ҳасанов, Лутфулла Тўраев каби футболчилар championat.asia сайтининг хайрия акциясида иштирок этгани боис қатнашишмади. Бошқа футболчилар эса Мирко Йеличич, Андрей Микляев ва Пётр Гизимчук қўл остида шуғулланишди.
Бугунги машғулотда иштирок этган футболчилар: Марат Бикмаев, Иброҳим Раҳимов, Садриддин Абдуллаев, Бобир Тиллабоев, Салим Мустафоев, Сарвар Каримов, Хуршид Мухторов, Дониёр Усмонов, Сергей Прохоров, Олег Зотеев, Иван Нагаев, Рустам Нартажиев, Санжар Шоаҳмедов, Темурхўжа Абдухолиқов, кичик Жасур Ҳасанов, Ойбек Қиличев ва Жильберт Кумсонг.
Кўриб турганингиздек, жамоамиз таркибида янги футболчилар бор. Хусусан, Хуршид Мухторов билан Дониёр Усмонов ижара муддатини якунлаб яна “темирйўлчилар” сафига қайтган бўлса, янгилардан Садриддин Абдуллаев, Ойбек Қиличев ва ганалик ҳужумчи Жильберт Кумсонг жамоамиз билан машғулот ўтказишди. Аммо бу ўйинчилар ҳозирча “Локо” билан шартнома имзолашгани йўқ.
