2016 йилда бизни, тўғрироғи, олимпия терма жамоамизни Осиё чемпионати кутиб турибди. Қатарда бўлиб ўтадиган 23 ёшгача бўлган футболчилар ўртасидаги Осиё чемпионатида мусобақасида совринли ўринни эгаллаган 3та олимпия терма жамоа келаси йили Рио-де-Жанейрода бўлиб ўтадиган ёзги олимпиада йўлланмасини қўлга киритади.

Самвел Бабаян бошчилигидаги олимпия терма жамоамиз БААда олиб борилаётган йиғинлар чоғида бир қатор ўртоқлик учрашувлар ўтказиб, ҳар хил натижа қайд этаётган бўлса-да, асосий кучни барибир Осиё чемпионатига қаратгани билан изоҳласак бўлади. Бу ўртоқлик ўйинларидаги ғалабанинг ёки мағлубиятнинг аҳамияти йўқ, менимча. Асосийси, йиғин давомида жамоанинг кучли ва кучсиз жиҳатларини тўла аниқлаб олишдир ва ҳар хил тактик услубни синовдан ўтказиб  кўришдан иборатдир.

Олимпия терма жамоамизнинг мураббийлар штаби гуруҳимиздаги рақиблар — Жанубий Корея, Ироқ ва Яман терма жамоалари ўйинларини кўриб, керакли маълумотлар йиғиб, таҳлил қилиб боришяпти, деб ўйлайман. Шунингдек, ўз гуруҳимизда ижобий натижа қайд этиб, кейинги босқичда бизга ким рақиб бўлиши эҳтимоли бор термалар ҳам эътибордан четда қолмагандир, балким. Мусобақага тайёргарлик кўнгилдагидек ўтмоқда десак ҳам бўлади.

Шунингдек, рақиблар ҳам бизга нисбатан худди шу усулларни қўллашаётганига амин бўлмоқдамиз. Ҳар бир жамоанинг мураббийлар штаби аввало, рақибнинг ўйинларини кўриб чиқади, кейин уларга қарши тактика ишлаб чиқишади, бу табиий ҳолат.

Олимпия терма жамоамизнинг ҳозирги таркиби билан Осиё чемпионатида совринли ўринларнинг бирига эга бўлиш имкониятга эгамиз. Чунки, олимпия терма жамоамизда бир қатор футболчилар кўп йиллардан буён бирга тўп суриши бунга мисол бўла олади, деб ишонаман.

Мураббийлар штаби зиммасизга нақадар масъулиятли вазифа юклатилганини ўзлари ҳам яхши англаб турибди. Вазифа — ОФКнинг энг кучли 3та жамоаси сафига кириш ва олимпиада йўлланмасига эга чиқиш.

Ҳозиргача бизнинг бирор-бир олимпия терма жамоамиз Олимпиада ўйинларига йўлланма ололмаган. Нима бўлгандаям, биз мухлислар олимпия терма жамоамиздан умидимиз катта.

Ўзбекистон ОТЖнинг навбатдаги ўртоқлик учрашувлари:

2015 йил 27 декабрь - Қатар
2016 йил 4 январь - Хитой
2016 йил 6 январь - Иордания.

 Абдумажид Қодиров