«Милан» клуби «Интер» ҳимоячиси Неманья Видич хизматларига қизиқиш билдирмоқда.
34 ёшли сербиялик футболчи ушбу мавсумда бели билан боғлиқ муаммолар туфайли ушбу мавсумда майдонга туша олмаяпти. У «Интер» билан келишган ҳолда шартномани бекор қилиб, «Милан»га эркин агент сифатида ўтиши мумкин, дея хабар тарқатди Football Italia.
«Милан» ёш ҳимоячи Алессио Романьолига шерик сифатида тажрибали Видични ўйнатмоқчи. Шунингдек, Неманья футболчилар орасида сербиялик мураббий Синиша Михайловичга ёрдамчи бўлиши кутилмоқда.