Англиянинг «Манчестер Сити» клуби Каталониянинг «Барселона» жамоаси етакчиси Лионель Мессига йилига 27 миллион евро беришга тайёр. Sport.es нашри берган маълумотга кўра, худди шундай нархдаги шартнома аргентиналик футболчига таклиф қилинади.

Манбанинг ёзишича, манчестерликлар хўжайини шайх Мансурнинг шахсан ўзи клубга бу борада кўрсатма берган.

Шунингдек, хабарда қайд қилинишича, «шаҳарликлар» 28 ёшли футболчи билан шахсий шартнома борасида келишиб олмагунларига қадар «Барселона» билан музокара бошлашни исташмаяпти. Шу билан бирга каталониялик аргентиналик футболчининг «Барселона»дан кетмаслигига ишончи комил бўлиб турибди.

Маълумот учун, Мессининг амалдаги шартномасига кўра йиллик маоши 20 миллион еврони ташкил қилади.