«Манчестер Юнайтед» футболчиси Мемфис Депай барчани ҳайратга солиб, жамоа машғулотига 240 минг фунт стерлинг турувчи Rolls-Royce Phantom Drophead Coupe машинасида келди, деб хабар бермоқда Mirror.
Британия порталининг маълум қилишича, 21 ёшли голландиялик йигитчанинг бу ҳаракати жамоа ҳамкорлари ва менежментларини лол қолдирган.
Газетанинг маълум қилишича, Депайни майдон ташқарисидаги ҳаракатлари туфайли кўп бора танқид қилишган. Жамоа мураббийи ёрдамчиси бўлган Райан Гиггз унга бор эътиборини карьерасига қаратиши, бунинг учун эса тинмай машғулот ўтказиши лозимлигини кўп бора уқтириб келмоқда.
