Англия Премьер-лигасининг 19-тури доирасида мусобақа жадвалининг иккинчи ва учинчи поғоналарида бораётган жамоалар тўқнаш келишди. Мавсум кашфиётига айланган "Лестер" ва "Манчестер Сити" жамоалари ўртасидаги ўйинда ҳисоб очилмади.

Биринчи бўлимда "шаҳарликлар" устунликка эришган бўлсалар, "тулкилар" қарши ҳужумда ўйнадилар. Иккинчи бўлимда эса "Лестер" кўпроқ ҳужумга ташкил қилишга ҳаракат қилди. Учрашув давомида томонлар деярли бир хил сондаги хавфли вазиятларни яратишди. Аммо ҳеч бир жамоага гол уриш насиб этмади.

Ушбу дурангдан кейин "Лестер" ўз очколарини 39тага етказиб, "Арсенал" билан тенглашиб олди. "Манчестер Сити" эса улардан 3 очко ортда қолган ҳолда 3-ўринда бормоқда.

АПЛ, 19-ТУР
Лестер – Манчестер Сити 0:0 (0:0, 0:0)
Лестер – Шмейхель, Симпсон, Фукс, Морган, Хут, Канте, Дринкуотер (Кинг, 80), Олбрайтон (де Лат, 90), Инлер (Ульоа, 67), Марез, Варди.
Манчестер Сити – Харт, Мангаля, Коларов, Санья, Отаменди, Фернандиньо, Туре, де Брюйне, Сильва (Навас, 74), Стерлинг (Ихеаначо, 89), Агуэро (Бони, 64).