"Манчестер Юнайтед" клубига тегишли "Олд Траффорд" стадиони Англия тўртта дивизиони орасида жорий мавсумнинг "энг зерикарлиси" бўлди. "Қизил иблислар"нинг яшил майдонида мухлислар мавсум бошидан буён атиги 13 та гол кўришди.    Энг кам гол кўрган стадионлар орасида  "Ивуд Парк" ("Блэкберн"), "Дипдейл" ("Престон Норт Энд") ва "Стэдиум оф Лайт"("Сандерленд") ҳам бор. Ушбу стадионга ташриф буюрган мухлислар 18 тадан гол кўришган.    Мавсумнинг "энг томошабоп" стадиони "Лондон Роуд" ("Питерборо") бўлди. Мухлислар мавсум бошидан буён ушбу майдонда 45 та голнинг гувоҳига айланишди. Кейинги ўринлардан "Этихад" ("Манчестер Сити") ва "Гудисон Парк" ("Эвертон") жой олишди. Мазкур стадионларда футбол иҳлосмандлари 41 тадан гол кўришга муваффақ бўлишди.