Хабарингиз бор, Ўзбекистон олимпия терма жамоаси бош мураббийи Самвел Бабаян январь ойида Қатарда бўлиб ўтадиган 23 ёшгача бўлган футболчилар ўртасидаги Осиё чемпионатига таркибни эълон қилди.
Ушбу рўйхатдан Фарғонанинг "Нефтчи" жамоаси футболчилари Сардор Раҳмонов, Достон Турсунов ва Абдумавлон Абдужалилов ўрин олишди. Шунингдек, ўтган мавсумда фарғоналиклар шарафини ҳимоя қилган ҳимоячи Мухсинжон Убайдуллаевнинг ҳам Қатарга бориши аниқ бўлди. Катта эхтимол билан, Убайдуллаев Олий лига-2016ни Фарғонада бошлаши кутилмоқда.
"Нефтчи" ПФК бўлажак Осиё чемпионатида Ўзбекистон ОТЖга, хусусан Фарғона жамоаси ўйинчилари Сардор Раҳмонов, Достон Турсунов ва Абдумавлон Абдужалиловларга омад ва зафарлар тилайди.
"Нефтчи" ПФК матбуот хизмати.