Хабарингиз бор, "Челси" Премьер-лиганинг сўнгги икки ўйинида "Уотфорд" (2:2) ва "МЮ" (0:0) билан дуранг ўйнаган. "Нафақахўрлар" бош мураббийи Гус Хиддинкнинг айтишича, жамоа келаётган турда ғалаба қозониши керак бўлади.

- Жамоанинг инқирозидан сўнг биз очколар йиғишни бошладик. Қаторасига учинчи ўйинда мағлубиятга учрамадик, аммо, кетма-кет дуранглардан сўнг ғалаба қозонишни бошлашимиз керак.  Пешқадамлар ҳам очко йўқотмоқда. Бўлажак ўйинда "Кристал Пэлас" билан баҳс олиб борамиз. Рақиб кучли, клуб мураббийи ҳам тажрибали. Жамоа ажойиб ўйинлар олиб бораётганини гувоҳи бўлиб турибмиз, - дейди голландиялик мутахассис.

Эслатиб ўтамиз, "Кристал Пэлас" ҳамда "Челси" ўртасидаги учрашув 3 январь куни, Тошкент вақти билан 18:30 да бошланиши режалаштирилган.