Қатарда бўлиб ўтадиган Осиё чемпионатига тайёргарлик кўраётган Ўзбекистон олимпия терма жамоаси бугун Хитой олимпиячиларига қарши ўртоқлик учрашуви ўтказди.

Дубайдаги йиғин доирасида ўтган мазкур матч анчагина қизиқарли тус олди. Учрашувнинг 30-дақиқасида вакилларимиз ўз дарвозасидан тўп олиб чиқишди. 0:1. Бу ҳисоб танаффусга қадар ўзгармади. Иккинчи бўлимда эса Чин юрти вакиллари яна битта тўп киритиб, якуний натижани ўрнатди. 0:2.

Ўзбекистон U23 – Хитой U23 - 0:2 (0:1, 0:1)

Голлар: Хие Пенгфеи 30, Луи Бин Бин 78

Ўзбекистон: Абдумавлон Абдулжалилов, Акромжон Комилов, Сардор Раҳмонов, Жамшид Болтабоев, Владимир Козак, Жавоҳир Соҳибов, Жамшид Искандеров, Игорь Сергеев, Достон Ҳамдамов, Отабек Шукуров, Элдор Шомуродов.

Таъкидлаб ўтамиз, олимпия терма жамоамиз 12 – 30 январь кунлари Қатарда бўлиб ўтадиган Осиё чемпионатига тайёргарлик кўрмоқда. Турнирнинг гуруҳ босқичида Ўзбекистонга Ироқ, Жанубий Корея ҳамда Яман олимпия терма жамоалари рақиб бўлади.