Тошкентнинг “Бунёдкор” жамоаси 14-28 декабрь кунлари мавсумолди дастлабки ўқув-машғулот йиғинини ўтказган эди. “Қалдирғочлар” кеча иккинчи йиғинни ҳам бошлашди.
Бахтиёр Бобоев бошчилигида ўтказилаётган тайёргарликлар кунига икки маҳалдан олиб борилмоқда.Таъкидлаш жоизки, “Бунёдкор” пойтахтимизда бироз муддат шуғуллангач, йиғинни БААга кўчиради. У ерда эса Тошкент клуби бир қатор янги футболчиларни синовдан ўтказиш билан биргаликда ўртоқлик ўйинларида ҳам майдонга чиқади.
Маълумотларга қараганда, “Бунёдкор”нинг БАА йиғини доирасидаги рақибларидан бири Россиянинг “Анжи” жамоаси бўлади. Мазкур матч 20 январь атрофларида ўтказилади. “Қалдирғочлар”нинг Дубайда олиб борадиган йиғини 12-30 январь кунларига мўлжалланган.