Тошкентнинг “Бунёдкор” жамоаси 16-30 январь кунлари БААнинг Дубай шаҳрида ўқув-машғулот йиғини ўтказади.

Ушбу йиғин доирасида “қалдирғочлар” бир нечта ўртоқлик учрашувлари ўтказишни режалаштиришган.

Мавсумолди тайёргарликлар жараёнидаги спарринг рақибларимиз кучли жамоалардан иборат бўлиши учун музокаралар олиб борилмоқда. Ҳозирча 20, 22, 23 ва 25 январь кунларига мўлжалланган учрашувлардаги тўртта рақибимиз маълум. Россия премьер лигаси вакиллари – “Анжи” (Маҳачқалъа), “Амкар” (Пермь), “Локомотив” (Москва) ва Жанубий Кореянинг 2015 йилдаги чемпиони “Чонбук Моторс” жамоалари билан келишув тасдиқланди. Шунингдек, ҳозирда 27 ва 29 январь кунларига Хитой ва Жанубий Корея мамлакатларининг етакчи клублари билан музокаралар олиб борилмоқда.