"Реал" бош мураббийи Зайниддин Зидан ўзининг дастлабки матбуот анжуманида иштирок этди. У Рафаэль Бенитеснинг ишига баҳо берди.

«Мен ўзимнинг дастлабки сўзларимни футболчиларга айтдим. Бу оддий сўзлар эди: «Мен сизлар билан бу ерда эканимдан хурсандман».

Ўз олдимизга қўйган мақсадга эришиш учун қўлимиздан келган барча ишни амалга оширамиз. Бу ерда сифатли футболнинг қадрига етишади. Мен бунга эришишга ҳаракат қиламан.

Жамоа учун ҳар бир ўйинчи муҳим аҳамиятга эга. Хамес ва Иско ҳам биз учун муҳим.

Мен ўзимни Гвардиола билан таққослашни истамайман. Мен бу ерда кўпроқ натижаларга эришишга ҳаракат қиламан. Бу клуб учун ғалабалар жуда керак. Бемалол Чемпионлар лигасида ғолиб чиқишимиз мумкин. Биз плей-оффга чиққанмиз ва мусобақада совринни қўлга киритишга ҳаракат қиламиз.

Мураббийнинг вазифаси — соврин қўлга киритиш. Бунда футболчи сифатида менинг натижаларим инобатга олинмайди. Бу янги босқич ва энг муҳими — ғалабалар.

Мен Моуриньо ва Анчелотти билан яхши танишман. Бирга ишлаш жараёнида уларнинг ҳар биридан нимадир олганман. Бенитес эса яхши иш олиб борди. Мен унга энг яхши тилакларимни билдираман.

Бэйл жамоанинг энг муҳим ўйинчиси ҳисобланади. У ўзининг энг яхши ўйинини намойиш қилишда давом этиш учун уни тўлиқ қўллаб-қувватлайман», – дейди Зидан.