Англия футбол уюшмаси раҳбари Грег Дайкнинг ишонч билдиришича, Англия терма жамоаси яқин вақтларда Европа чемпионатида муваффақият қозонади. Унинг сўзларига кўра, бу муваффақиятга 2016 йилнинг ёзида Франция майдонларида бўлиб ўтадиган турнирдаёқ юз бериши мумкин.
Дайкнинг қўшимча қилишича, Англия терма жамоаси Франциядаги турнирда гуруҳ босқичидан чиқа олмаса, бу ҳақиқий фалокатга айланади.
"Ўйлайманки, Англия гуруҳдан чиқа олмаса, биз отилишга маҳкуммиз. Шунинг учун бизнинг жамоа бу гуруҳдан албатта чиқиши шарт. Агар бундай бўлмаса, Англия футболи кўп зарар кўради. Англия терма жамоаси кейинги 50 йил давомида биронта соврин юта олмади. Биз кейинги ярим асрда албатта ютуқларни ҳам нишонлашимиз керак. Умид қиламизки, ғалабаларни кўп вақт кутишга мажбур бўлмаймиз", деди у ESPN нашрга.
Эслатиб ўтамиз, Англия терма жамоаси 2016 йилги Европа чемпионатида Россия, Уэльс ва Словакия терма жамоалари билан бир гуруҳдан ўрин олган.
