Кеча жамоамиз аъзолари 2016 йилги биринчи машғулотни ўтказди. Эрталаб тиббий кўрикдан ўтган футболчиларимиз кечки пайт Чилонзордаги сунъий қопламали машғулот ўтказишди. Жамоа сафида бир қатор ўзгаришлар юз берган. Ўтган йили “Навбаҳор” сафида тўп сурган Тоҳир Шамсиддинов, маълум вақт Озарбайжон чемпионатида ўйнаб келган Алибобо Раҳматуллаевлар машғулотларда қатнашишмоқда. Шунингдек, таниқли дарвозабон Ғайрат Ҳасанов ҳам жамоамиз билан бирга шуғулланмоқда.
Машғулотлар давомида бу футболчиларнинг ҳаракатлари маъқул келадиган бўлса, улар билан ҳам расман шартнома имзоланади.
Айтганча, учта ўртоқлик учрашувидаги рақибларимизнинг маълум бўлди.
Булар, “Сўғдиёна”, “Бухоро”, шунингдек биринчи лига вакилларидан бири “Локомотив БФК” ёки “НБУ Осиё”.
Тўртинчи рақиб билан музокаралар давом этмоқда. Айни дамда мураббийлар штаби таркибни шакллантириш борасида изланиш олиб бормоқда. Таркибда бир қатор ўзгаришлар юз бериши мумкин. Бу ҳақида кейинроқ яна батафсил тўхталиб ўтамиз.
