Ортда қолган 2015 йилги мавсумни Тошкентнинг “Локомотив” жамоаси таркибида ўтказган Шавкат Муллажонов айни пайтда ўзига янги жамоа қидирмоқда.
29 ёшли тажрибали ҳимоячи “Локо”да сўнгги пайтларда кам ўйин амалиётига эга бўлгани сабаб шартномани узайтирмади ва “темирйўлчилар” сафини тарк этишга қарор қилганди. Айни пайтда футболчи бир қатор жамоалар билан музокаралар олиб бормоқда. Маҳоратли футболчини пойтахтнинг бошқа бир жамоаси – “Пахтакор” ҳам ўз сафида кўришни истаётгани ҳақида маълумотлар пайдо бўлган эди. Футболчининг ўзи ҳам фаолиятини хорижда эмас, катта эҳтимол билан юртимизда давом эттиришини таъкидлади. Яқин кунларда Муллажоновнинг янги мавсумда қайси жамоа шарафини ҳимоя қилиши аниқ бўлади.
Таъкидлаб ўтамиз, Шавкат Муллажонов ўтган мавсумда “Локомотив” таркибида Олий Лига доирасида 14 та беллашувда майдонга чиқди ва икки бор ҳакамлар томонидан огоҳлантирилди.
