Кеча хабар қилганимиздек жамоамиз футболчи қизлари клуб қароргоҳида тўлиқ йиғилишди ва мавсумолди тайёргарликларини давом эттиришмоқда.
Бугун эрталабдан В.Хан бошчилигидаги мураббийлар гуруҳи футболчиларнинг жисмоний ҳолатини назоратдан ўтказишди.
Футболчи қизларимиз 50, 100 метрга югуриш, узоқликка сакраш ва узоқ масофага югуриш каби жисмоний ҳолатлари бўйича тест синовларини топширишди. Мураббийлар ушбу тест синовлари натижаларига кўра, тайёргарлик режасини ишлаб чиқишади ва футболчи қизларимизнинг жисмоний ҳолатларини ҳисобга олган ҳолда тайёргарликларини олиб боришади.
Жамоамиз таркибида кўплаб ёш футболчи қизлар синовдан ўтказилмоқда. Шунингдек ўтган мавсумда Навоийнинг “Гули”, Муборакнинг “Машъал” жамоасига ижарага берилган ўйинчиларимиз ҳам энди сафимизга қўшилишмоқда. Асосий таркиб бўйича жамоамиз мураббийлари кейинроқ бир тўхтамга келишлари мумкин.
Аввал хабар берганимиздек, жамоамиз бу йилги мавсумнинг илк мусобақаси – мини футбол бўйича XII Ўзбекистон чемпионатида иштирок этишади. Мазкур чемпионатга 24 январ куни старт берилади ва дастлабки тур учрашувлари 24-30 январ кунлари Тошкент шаҳрида бўлиб ўтади.
