Тошкентнинг “Бунёдкор” жамоаси янги мавсумга ҳозирликни давом эттирмоқда.
“Қалдирғочлар” айни пайтда ўз қароргоҳида машғулотларни олиб боришмоқда. “Бунёдкор” январь ойиниг ўрталарига қадар пойтахтимизда шуғулланади. 16 январдан жамоанинг йиғини БААнинг Дубай шаҳрига кўчади.
“Бунёдкор” хориж йиғинига йўл олгунга қадар Тошкентда 3 та синов-назорат баҳси ўтказишни режалаштирган. Дастлабки 2 та рақибнинг номи маълум. Унга кўра, “Қалдирғочлар” эртага “Қўқон-1912” жамоасига қарши дастлабки ўртоқлик ўйинида майдонга чиқишади. Кейинги ўйин эса “Олмалиқ”қа қарши 10 январь куни бўлиб ўтади. Шунингдек, “Бунёдкор” 14 январда ҳам ўртоқлик ўйини ўтказишни мўлжаллаган.
Таъкидлаш жоиз, “Бунёдкор”нинг БАА йиғини 16-30 январь кунлари бўлиб ўтади.
