Жамоамизнинг таёргарлик режасида яна ўзгариш юз берди. Кеча “Бунёдкор”га қарши назорат учрашувини ўтказган вакилларимиз режага кўра, 10 январь куни ушбу йиғиндаги иккинчи ўртоқлик учрашувини ўтказиши лозим эди. Аммо бизга рақиб бўлиши мумкин бўлган жамоалар билан олиб борилган музокаралар самарасиз якун топди. Натижада 10 кунги ўртоқлик учрашуви бекор қилинди. Якшанба куни жамоамиз аъзолари фақат машғулот билан чекланишади.

Эслатиб ўтамиз “Қўқон-1912” жамоаси Тошкентдаги йиғин чоғида яна учта назорат учрашувини ўтказади. 14 январь куни вакилларимиз Бекободнинг “Металлург” клубига қарши майдонга тушишади. 18 январь кунги рақибимиз эса – “Бухоро”.

Ниҳоят, Тошкентдаги йиғин якунида, яъни, 21 январь куни Муроджон Исмоилов шогирдларига Жиззахнинг “Сўғдиёна” жамоаси рақиблик қилади.