Ўзбекистон олимпия терма жамоасининг Қатарда бўлиб ўтадиган 23 ёшгача бўлган футболчилар ўртасидаги Осиё чемпионатида юқори савияда иштирок этишини таъминлаш, 2016 йилги Олимпия ўйинларининг футбол мусобақасига йўлланмани қўлга киритиш йўлидаги тайёргарликларни янада кучайтириш мақсадида Ўзбекистон Футбол Федерацияси Президенти қарорига асосан олимпия терма жамоасининг янги мураббийлар штаби тасдиқланганди. Унга кўра МТЖ бош мураббийи Самвел Бабаян эндиликда олимпиячиларимизга ҳам устозлик қилишидан хабарингиз бор, албатта. Ўзбекистон олимпия терма жамоасининг олдига Бразилияда бўлиб ўтадиган Олимпия мусобқасига йўлланмани қўлга киритиш вазифаси қўйилган. Бундан кўриниб турибди-ки, Қатарда бўлиб ўтадиган23 ёшгача бўлган футболчилар ўртасидаги Осиё чемпионатида камида 3-ўринни эгаллаш талаб этилади.Ҳозиргача ҳеч бир бош мураббийга олимпия терма жамоамиз билан Олимпиадада иштирок этиш насиб этмаган.
Қуйида ОТЖни бошқарган барча бош мураббийлар билан танишишингиз мумкин:
Мирзоҳим Ғуломов - 1996
Александр Иванков - 1996
Виктор Борисов - 2000 - 2004
Виктор Жалилов - 2004
Вадим Абрамов – 2008 - 2012
Алексей Eвстафеев - 2012-2013
Шуҳрат Мақсудов - 2014
Миржалол Қосимов - 2014
Бахтиёр Ашурматов - 2015
Виктор Жалилов - 2015
Дилшод Нуралиев - 2015
Самвел Бабаян - 2015
Самвел Бабаян олимпиячиларимиз билан фақат декабрь-январь ойларида Дубайда ташкиллаштирилган бир қатор ўртоқлик ўйинларда бошқарди. Унинг илк расмий учрашуви 13 январь куни Жанубий Корея олимпиячиларига қарши ўйин билан бошланади. Унга дебют ўйинига омад тилаймиз. Нима бўлгандаям, биз мухлислар олимпия терма жамоамизнинг янги бош мураббийидан умидимиз катта.
Абдумажид Қодиров
