Хабарингиз бор, айни пайтда Олий Лиганинг барча иштирокчи жамоалари янги мавсумга ҳозирликни давом эттиришмоқда.
Бугун Янгиерда янги мавсумга тайёргарлик кўраётган Жиззахнинг “Сўғдиёна” клуби Муборакнинг “Машъал” жамоасига қарши синов-назорат баҳсида майдонга тушди. Анчагина қизиқарли тарзда ўтган ўйинда ҳар икки жамоа устозлари ҳам бир қатор футболчиларни майдонга тушириб, синовдан ўтказиб олишди.
Ўйиннинг ўрталарида “Динамо”дан келган ҳимоячи Аваз Агалиевнинг жаримадан берган зарбаси гол билан тугади ва “Машъал” якунда айнан манашу гол эвазига ғалаба қозонди.
