«Бавария» бош мураббийи Хосеп Гвардиола ёзда қайси жамоани бошқариши ҳақидаги саволга ойдинлик киритишни истамади.
«Янги жамоа билан шартнома имзолаганимдан кейин унинг номини ошкор қиламан. Мен «Бавария»дан кетишимни футболчилар билан муҳокама қилмадим. Биз фақат футбол ҳақида гаплашамиз. Тушунарлики, улар ҳаммасидан хабардор.
Мени жамоам намойиш қилган футбол орқали эслашларини истардим, қўлга киритилган совринлар билан эмас. Совринлар — ҳеч нарса эмас, шунчаки зерикарли рақамлар. 4:0 ёки 5:0 ҳисобидаги ғалабалар, мухлисларнинг қувончи — бу мен учун ҳақиқий совға», – дейди Гвардиола.