Чили терма жамоаси бош мураббийи Хорхе Сампаоли миллий терма жамоадаги ҳолатидан норози эканлигини маълум қилди.
"Мен бу мамлакатда, бу шароитда ишлашни истамайман. Чили футболига кўп нарса берган, ҳайкал қўйиш даражасига етган образнинг қисқа муддатда эътибордан қолишини тасаввур қилмагандим. Мен афсусдаман ва бу ҳолатда ишлай олмайман. Чили ФФ президенти Артуро Салах мени тушуниб, кетишимга рухсат беради деб ўйлагандим. У мени тутқин каби ушлаб турибди. Охирги ойлардаги воқеалар менинг кетишимга етарли сабаб бўла олади", - дейди Сампаоли.
