“Насаф” жамоасида дарвозабонлар мураббийи Денис Иванков иш бошлагач, жамоада футбол ишқибозларининг эътирофига лойиқ дарвозабонлар етишиб чиқа бошлади.
Денис Иванковнинг мураббий сифатида жамоа ютуқларига қўшаётган ҳиссаси ҳам эътиборга лойиқ.
Меҳнаткаш мураббий бугунги кунда жамоа дарвозабонларини янги мавсумга тайёрлашда катта ҳамжмдаги ўқув машғулотларини олиб бормоқда.
Хабарингиз бор, бу йилдан жамоа дарвозабонлар сафига Санжар Қувватов ҳам қўшилди. Бу ҳолат улар орасида рақобат кучайишига ҳам олиб келади. Жамоанинг асосий дарвозабони – Элдорбек Суюнов ҳам жароҳатлардан фориғ бўлиб, машғулотларга қўшилгани биз мухлисларни хурсанд қилади.
Барча дарвозабонларга янги мавсумда улкан зафарлар тилаб қоламиз.
Қуйида Денис Иванков бошчилигидаги “Насаф” жамоаси дарвозабонларининг бугунги машғулотларидан айрим фотосуратларни эътиборингизга ҳавола қиламиз.
Суратларда дарвозабонлар Элдорбек Суюнов, Санжар Қувватов, Алибек Туробов ва Умид Эргашевларнинг машғулотлар пайти тасвирланган.
Суратлар Денис Иванковнинг facebookдаги профилидан олинган.
