"Челси" бош мураббийи Гус Хиддинк жамоанинг бельгиялик яримҳимоячиси Эден Азарнинг ҳолати борасида фикр билдирди.
"Азарга эътибор керак? Мен унга она эмасман. Футболчилар ўзларига керак бўлган муносабатни олишмоқдалар. Кимгадир қамчилаш керак, кимгадир ёрдам қўлини чўзиш, яна қайсинисидир ўзига келиб олиши керак. Биз Азарга аввалги ҳолатига қайтиши учун вақт берамиз. Хаёлингизда бегона ўйлар бўлса, машғулотлардан завқ ололмайсиз. У совринлар ютди, аммо бу мавсумда жисмонан оқсамоқда. Бизнинг унга берадиган ёрдамимиз шу. У бундан қутулиши керак", - дейди Хиддинк.
