Испания терма жамоаси бош мураббийи Висенте дель Боске терма жамоадаги фаолиятини 2016 йилги Европа чемпионатидан кейиноқ тугатишини таъкидлади.
"Мен ўзимни 2018 йилги жаҳон чемпионатида Испания терма жамоаси бошқарувида тасаввур қилмаяпман. Бу турнир бошлангунича янги бош мураббийни аниқлаш керак. Испания Футбол федерациясидагилар эса мен ҳеч қачон кетмайдигандек, бу борада ҳаракат олиб боришмаяпти. Менинг оилам исталган қароримни қабул қилади", дейди Боске Marca нашрига.
Маълумот учун, ушбу мутахассис 2010 йилги мундиалда Испания термасини ғолиблик шоҳсупасига олиб борганди.