Қатарда ўтказилаётган 23 ёшгача бўлган футболчилар ўртасидаги осиё чемпионатининг 1-турида Ўзбекистон терма жамоаси Жанубий Кореяликлар билан баҳслашди.

Учрашув қаҳрамони Саудиялик бош ҳакам бўлди. У 20 дақиқада йўқ жойдан пенальти белгилади, натижада Мун Чанг Жин ўйинда ҳисобни очди.

Иккинчи бўлим бошларида ҳимоячиларимизнинг хатосидан сўнг яна ўша Мун Чанг Жин дарвозамизга тўпни аниқ киритиб қўйди.

Учрашувнинг 56 дақиқасида Мурод Ризаев табири билан айтганда Достонбек Хамдамов Осиёнинг энг яхши ёш футболчиси эканлигини эслаб қолди ва ҳисобни қисқартирди.

Шундан сўнг вакилларимизда иштиёқ янада уйғонди. Бироқ буни бош ҳакам "кўролмади" шекилли 72 дақиқада майдон марказидаги қўполлик учун Жамшид Болтабоевни майдондан четлатди. Қолган дақиқаларда дарвозаларга бошқа тўп киритилмади. Шу тариқа Самвел Бабаян шогирдлари илк ўйинда таслим бўлишди.

Жанубий Корея - Ўзбекистон 2:1
Ҳакамлар: Фаҳад Ал Мирдаси, Абдуллоҳ Мутлоқ Ал Шалваи ва Муҳаммад Маки Алабакри (барчаси Саудия Арабистони), Адҳам Муҳаммад Макхамдеҳ (Иордания)
Голлар: Мун Чанг Жин 20 пенальти, 48 - Достонбек Ҳамдамов 56
Жанубий Корея: 1.Ким Донг Жун, 7.Мун Чанг Жин (14.Ли Йонг Жаэ, 76), 8.Ли Чанг Мин (9.Ким Хюн, 87), 20.Хванг Хи Чан, 5.Йеон Жеи Мин, 4.Сонг Жу Хун, 2.Сим Санг Мин, 18.Жин Сеонг Ук (22.Квон Чанг Хун, 59), 3.Ли Сеул Чан, 10.Рю Сеунг Ву, 6.Парк Йонг Ву.
Ўзбекистон: 12.Абдумавлон Абдужалилов, 6.Максимилиан Фомин, 4.Жамшид Болтабоев, 6.Акром Комилов, 7.Владимир Козак, 8.Жавоҳир Соҳибов, 19.Отабек Шукуров, 10.Жамшид Искандеров (3.Сардор Раҳмонов, 55), 17.Достон Ҳамдамов (13.Ҳусниддин Ғофуров, 80), 23.Элдор Шомуродов (9.Жалолиддин Машарипов, 67), 11.Игорь Сергеев.
Четлатиш: Жамшид Болтабоев 72