Англиянинг «Ливерпуль» клуби бош мураббийи Юрген Клопп АПЛ доирасидаги «Манчестер Юнайтед»га қарши учрашув олдидан жамоанинг собиқ бош мураббийи Алекс Фергюсон борасида ўз фикрларини билдириб ўтди.
«Менинг тажрибамда Фергюсон билан бир неча марта гаплашиш гаплашиш имконияти бўлган. Сэр Алекс билан гаплашиш – бу фахр.
Фергюсон билан суҳбат пайтида энг маъқул иш – шунчаки ўтириш ва уни тинглаш. Уни нима демоқчи бўлганини тушуниб олишим учун менга ўн дақиқа керак бўлган.
Сэр Алекс – барча даврларнинг энг буюк мураббийи бўлиши мумкин. У футболдаги Жон Леннон ёки худди шу даражадаги бошқа бир кишидек. Мен Фергюсонга ўта катта ҳурмат билан муомалада бўлганман. Сэр Алекс мураббий сифатида бошқа бирорта киши эплай олмайдиган натижаларни қайд этган», – дея немис мутахассисидан иқтибос келтиради The Guardian.
