Айни пайтда Қатар мамлакатида 23 ёшгача бўлган футболчилар ўртасидаги Осиё чемпионати баҳслари бўлиб ўтмоқда.

Бугун, 15 январь куни терма жамоамиз футболчилари ОАВ вакилларининг саволларига жавоб қайтаришди. “Бунёдкор” матбуот хизмати олимпия терма жамоасидаги “Бунёдкор” вакилларининг фикрлари билан қизиқди. Ҳужумчи Элдор Шомуродовнинг дастлабки учрашув ва кейинги баҳс олдидан билдирган фикрлари қуйидагича янгради.

- Биринчи ўйинда ўзимизга керакли натижани қўлга кирита олмадик. Жанубий Корея терма жамоасининг Осиёда ўз ўрни бор. Шунга қарамасдан, уларга муносиб қаршилик кўрсатдик, деб ўйлайман. Корейсларга қарши кўрсатган ўйинимдан қониқмадим. Энди ҳато қилишга ҳаққимиз йўқ. Ироқ терма жамоасини нима қилиб бўлса ҳам мағлубиятга учратишимиз керак. Яхши ва чиройли, энг муҳими самарали ўйин кўрсатишга ҳаракат қиламан, - дейди Элдор Шомуродов.