«Ливерпуль» жамоаси бош мураббийи Юрген Клопп 2013 йилги мавсум якунида сэр Алекс Фергюсон «Манчестер Юнайтед»дан кетгач, унинг ўрнига ўзини таклиф қилишгани ҳақида эслади.
«Манчестер Юнайтед» жамоаси раҳбарияти мен билан алоқага чиққанди. Биз узоқ вақт давомида гаплашмагандик. Лекин бу мен учун фахрланса арзийдиган таклиф бўлганди.
«Манчестер Юнайтед» мени таклиф қилган вақтда Дортмундни тарк эта олмасдим. 2013 йилнинг апрелида мен бор эътиборим билан кейинги мавсум учун режалар тузаётгандим. Янги трансферлар бўйича жараёнлар бошлаб қўйгандим ва барча ишни қолдириб кета олмасдим.
Албатта, ўшанда расмий таклиф ҳам бўлмаган, лекин мен барибир бундай таклифни қабул қила олмасдим.
Балки, бу ақлсизлик бўлган бўларди, лекин мен бошқача йўл тутмас эдим. Мен ҳамиша «Боруссия» ва «Майнц»га содиқман», дейди Клоп «Манчестер Юнайтед»га қарши 22 тур ўйини арафасида.
