"Реал" Зайниддин Зидан бошчилигидаги иккинчи ўйинда ҳам йирик ҳисобда ғалаба қозонди. Эътиборли томони бу сафар ҳам мадридликлар рақиб дарвозасини беш марта ишғол қилди.

Яна ҳам эътиборлиси, "Спортинг"га қарши бўлиб ўйининг 18-дақиқасига келиб, "Мадрид" 4:0 ҳисобида олдинда бораётганди. Бугунги ўйинда Криштиану Роналду ва Карим Бензема ўз ҳисобига иккитадан гол ёзишган бўлса, Бэйл битта гол билан чекланди.

Иккинчи бўлимда "Спортинг" фаолликни оширди ва бир марта жавоб тўпини киритди. Улар яна бир нечта имкониятлардан фойдалана олишмади.

Ушбу ғалабадан кейин "Реал" ўз очколарини 43тага етказди ва вақтинчалик бўлса-да 2-ўринга кўтарилиб олди.

Испания Ла лигаси, 20-тур
Реал Мадрид – Спортинг Хихон 5:1 (5:0, 0:1)
Голлар: 1:0 – 7 Бэйл, 2:0 – 9 Роналду, 3:0 – 12 Бензема, 4:0 – 18 Роналду, 5:0 – 41 Бензема, 5:1 – 62 Лопес.
Реал Мадрид – Навас, Варан, Марсело, Карвахаль, Пепе, Модрич, Кроос, Иско (Хамес, 60), Бэйл (Хесе, 46), Роналду, Бензема (Ковачич, 65).
Спортинг Хихон – Куэльяр, Хорхе Мере, Эрнандес Родригес, Лора, Менендес, Альварес (Аит-Атман, 61), Лопес, Халилович (Нди, 46), Касес, Джони, Герреро (Санабрия, 73).
Огоҳлантиришлар: Герреро (49), Модрич (57).