Испания чемпионатининг 20-тури доирасида қизиқарли ва муросасиз кечиши кутилган "Барселона" ва "Атлетик" жамоалари ўртасидаги тахминларни оқламади.

Учрашувнинг 4-дақиқасидаёқ бильбаоликлар майдонда 10 киши бўлиб қолишди. Суарес ҳимоячини ортда қолдириб, дарвозабонни алдаб ўтаётганида Ираисос уругвайлик ҳужумчини йиқитишга мажбур бўлди. Ўйин ҳаками Матео Лаос пенальти белгилаш билан бирга посбонга қизил карточка кўрсатди. Ана шу вазият ўйиндаги интригани ўлдириб қўйди.

Лионель Месси пенальтидан унумли фойдаланди. Қолган дақиқалар фақат битта дарвоза томон ўйин бўлди. Танаффусга қадар Суареснинг узатмасидан кейин Неймар яккама-якка вазиятда ҳисобни 2:0га етказди.

Иккинчи бўлимда эса Луис Суарес ўз ҳисобига 3та гол ёзиб, тўпурарлар курашида яна пешқадам бўлиб олди (18та гол). Шунингдек, Ракитич ҳам майдонни голсиз тарк этмади. Якуний ҳисоб — 6:0.

"Барселона" ва "Атлетик" жамоалари 20 ва 27 январь кунлари Испания кубогининг чорак финал босқичи доирасида иккита учрашув ўтказишади.

Испания чемпионати, 20-тур
Барселона – Атлетик 6:0 (2:0, 4:0)
Голлар: 1:0 – 7, пенальти Месси, 2:0 – 31 Неймар, 3:0 – 47 Суарес, 4:0 – 62 Ракитич, 5:0 – 68 Суарес, 6:0 – 82 Суарес.
Барселона – Браво, Суарес, Пике, Альба (Бартра, 69), Маскерано, Алеиш Видаль, Ракитич (Серджи Роберто, 63), Бускетс, Иньеста, Неймар, Месси (Туран, 46).
Атлетик – Ирайсос, Сан Хосе, Лапорт, Эчейта, Де Маркос, Муниаин (Яго Эррерин, 6), Беньят (Итурраспе, 63), Боведа, Эрасо, Баленсиага, Иньяки Уильямс (Сабин Мерино, 56).
Огоҳлантиришлар: Маскерано (51), Де Маркос (69), Эрасо (85), Пике (87).
Четлатиш: Ирайсос (4).