Италия А сериясининг 20-тур марказий учрашувларидан бири “Сан-Сиро” стадионида бўлиб ўтди.

Унда “Милан” клуби “Фиорентина” жамоасини қабул қилди. Ўйиннинг 4-дақиқасида Карлос Бакка, 88-дақиқада Боатенг томонидан киритилган голлар “Милан”нинг 2:0 ҳисобидаги ғалабасини таъминлади.

“Фиорентина” эса кетма-кет иккинчи мағлубиятини қабул қилиб олди ва энди пешқадам “Наполи”дан 6 очкога ортда қолмоқда. Флоренцияликлар 4-ўринга тушиб қолишди. “Милан” эса ушбу ғалаба эвазига “Сассуоло” ва “Эмполи”ни ортда қолдириб, 32 очко билан 6-ўринга кўтарилиб олди.

МИЛАН – ФИОРЕНТИНА 2:0
Голлар: Бакка, 4, Боатенг, 88
“Милан”: Доннарумма, Алекс, Антонелли, Абате, Романьоли, Бертолаччи, Монтоливо (Куцка, 70), Бонавентура, Хонда, Ньянг (Боатенг, 79), Бакка (Балотелли, 87).
“Фиорентина”: Тэтэрушану, Ронкалья, Астори, Алонсо (Паскуаль, 76), Томович, Иличич (Эл-Бабакар, 83), Суарес (Росси, 66), Валеро, Весино, Бернардески, Калинич.
Огоҳлантиришлар: Бакка, Бертолаччи – Суарес, Калинич, Весино, Томович