ПСЖ ярим ҳимоячиси Анхель Ди Мария декабрь ойида Франция чемпионатининг энг яхши футболчиси деб топилди.
Аргентиналик хавбек Франция профессионал футболчилар ассоциацияси (UNFP) сўровномасида 41 фоиз овоз олиб ғолиб бўлган. Иккинчи ўринда «Анже» жамоасининг сенегаллик 29 ёшли ярим ҳимоячиси Шейк Ндойе (39 фоиз) қайд этилди.
Кучли учликни ПСЖнинг швециялик ҳужумчиси Златан Иброҳимович якунлаб берди. Унга 20 фоиз овоз берилган. Франция иккинчи лигасида эса декабрь ойининг энг яхши футболчиси, "Ланс"нинг аргентиналик ярим ҳимоячиси Пабло Чаваррия бўлди.
Маълумот учун, декабрь ойида Ди Мария 4та ўйинда майдонга тушди ва 2та гол уриб 4та голли пас муаллифи бўлди.
