Англиянинг «Челси» футбол клуби бош мураббийи Гуус Хиддинк мамлакат чемпионатининг «Эвертон»га қарши кечган учрашувидан (3:3) кейин жамоа сардори Жон Террининг ўйинига юқори баҳо бериб ўтди.
«Жон бугун нафақат ҳисобни тенглаштириши орқали, балки ҳимояда ҳам, ҳужумда ҳам кўрсатган ўйини, муносабати орқали жамоа учун жуда керакли футболчи эканини кўрсата олди. Унинг жонини бериб ўйнаши жуда катта нарса.
2009 йилдаги Терри ва бугунгиси ўртасидаги фарқни кўрмаяпман. Фақат қандайдир тестлар унинг тезлиги пасайганини кўрсатиши мумкиндир, мен буни ҳозирча кўраётганим йўқ. У бутунлай тайёр, яхши машғулот олиб бормоқда, ёшига мос равишда ўз устида ишламоқда. У секин ўйнайдиган бўлиб қолган? Унақа бўлиши мумкин эмас!
Агар у билан шартномани узайтириш ҳақида фикримини билмоқчи бўлсангиз, менимча жавобим кундек равшан», – дейди Хиддинк.
Эслатиб ўтамиз, шу йили 36 ёшга тўладиган Терри ёзда эркин агент мақомини олиши кутилмоқда.
