ФИФАнинг собиқ президенти Йозеф Блаттер футболдаги фаолиятдан бўлсада, ташкилотдан маош олишда давом этмоқда. Бу ҳақда Рейтер агентлиги хабар берган.
2015 йилнинг декабрида ФИФАнинг Ахлоқ ишлари қўмитаси 1998 йилдан бери ташкилот президенти сифатида ишлаган Йозеф Блаттерни ҳамда УЕФА раҳбари Мишель Платинини 8 йилга футболдан четлатганди.
"Ташкилотнинг янги президенти учун сайловлар ўтадиган кунгача жаноб Блаттер қоғозда ФИФА президенти ҳисобланади. 26 февралгача у шартнома асосида маош олишда давом этиш ҳуқуқига эга", дейди ФИФАнинг Ахлоқ қўмитаси матбуот хизмати вакили Андреас Бантел.
2015 йилнинг сентябрь ойи охирида Швейцария прокуратураси Блаттерни Платинига ҳеч қандай расмий ҳужжутларсиз 2 млн франк миқдоридаги маблағни бергани бўйича текширув ишларини бошлаганди. Бу маблағ Платинига 2011 йилда ўтказилган. Платини бу пуллар ўзига 1999 йилдан 2002 йилгача ФИФАдаги фаолияти учун маош сифатида тўланганини айтган бўлсада, буни исботлаб бера олмади.
Қайд этиш керакки, бу икки амалдорга коррупция айби қўйилмади ва улар қамоқдан қутилиб қолишди.
