«Арсенал»нинг испаниялик ҳимоячиси Начо Монреаль лондонликлар билан шартномасини узайтирди.
Бугун у жамоа билан янги шартномага имзо чеккан. Жамоа расмий сайтида шартнома муддати аниқ кўрсатилмаган.
Бундан олдинроқ, Монреал «канонирлар» билан янги, 2019 йилнинг ёзига қадар давом этадиган янги шартнома тузиши ҳақида хабарлар берилганди.
Маълумот учун, 29 ёшли ушбу чап қанот ҳимоячиси 2013 йилда Испаниянинг «Малага» жамоасидан «Арсенал» сафига келиб қўшилганди.
Жорий мавсумда у Англия чемпионатидаги барча 22 ўйинда иштирок этди ва 2та голли пас муаллифи бўлди.
