Қатарда давом этаётган ёшлар (U23) ўртасидаги Осиё чемпионатида "В" гуруҳи баҳслари якунига етди ва чорак финалга чиқадиган жамоалар номи маълум бўлди.
Япония дастлабки икки турдан сўнг плей-офф босқичи йўлланмасини қўлга киритиб бўлганди. Кунчиқар юрт вакиллари сўнгги турда ҳам ғалаба нашинасини суришди. Суадия Арабистони японларга бас кела олмади.
КХДР ва Таиланд олимпия терма жамоалари ўртасидаги учрашувда эса 2:2 ҳисобидаги дуранг қайд этилди.
Натижада бу гуруҳда Саудия Арабистони, КХДР ва Таиланд терма жамоалари бир хил — 2тадан очко жамғаришди. Регламентга кўра, бу 3 жамоанинг ўзаро ўйинлари ҳисоб-китоб қилинди: Саудия Арабистони - Таиланд 1:1, КХДР - Саудия Арабистони 3:3, КХДР - Таиланд 2:2. Шимолий Корея олимпия терма жамоасининг ўзаро ўйинлардаги тўплар нисбати 5-5 кўринишга келди ва КХДР кейинги босқичга чиқди. Саудияда бу кўрсаткич 4-4, Таиландда 3-3 бўлди.
Япония чорак финалда Эрон билан, КХДР эса Қатар билан баҳс олиб боради.
Ёшлар (U23) ўртасида Осиё чемпионати, 3-тур
КХДР - ТАИЛАНД 2:2
САУДИЯ АРАБИСТОНИ - ЯПОНИЯ 1:2
| № | Жамоа | Ў | Ғ | Д | М | Т-Н | О |
|---|---|---|---|---|---|---|---|
| 5 |  Япония |
3 | 3 | 0 | 0 | 7-1 | 9 |
| 6 |  КХДР |
3 | 0 | 2 | 1 | 5-6 | 2 |
| 7 |  Саудия Арабистони |
3 | 0 | 2 | 1 | 5-6 | 2 |
| 8 |  Таиланд |
3 | 0 | 2 | 1 | 3-7 | 2 |
