Мавсумга тайёргарлик кўраётган жамоалар айни кунларда кўрик-назорат учрашувларига зўр беришган. Бекободнинг “Металлург” жамоаси бугун “Бунёдкор” академияси сунъий майдонида Муборакнинг “Машъал” жамоасига қарши ўйнади. Мазкур ўйинда кучлар тенг келди – 1:1.

Дастлабки дақиқаларданоқ ташаббусни ўз қўлига олган бекободликлар 15-дақиқада ҳисобни очишди. Қанотдан Зоҳид Абдуллаевнинг етказиб берган тўпини Руслан Вагапов рақиблар дарвозасига жойлаб қўйди. Шундан кейин ҳам “Металлург” футболчиларида кўплаб вазиятлар бўлди. Аммо бу имкониятлардан фойдалана олмаган бекободликлар тайм якунида ўз жарима майдончаларида рақиб ҳужумчисига нисбатан ўйин қоидасини бузишди. Пенальтини Зафар Тўраев голга айлантирди.

Иккинчи тайм тенг курашлар остида ўтди. Лекин жамоалар дарвозалар томон бошқа йўл топа олишмади.

"Металларг" - "Машъал" – 1:1 (1:1). 19 январь 2016 йил.

Ҳакамлар: З.Қодиров, В.Лушин, А.Калинин, В.Центлин.

Голлар: Зафар Тўраев 40 - Руслан Вагапов 20. "Металлург": Суҳроб Султонов, Мурод Тошматов, Вусол Магеррамов, Ҳикмат Ҳошимов, Даврон Каримқулов, Дониёр Одилов, Дилмурод Каримов, Саиджон Абдужабборов, Руслан Вагапов, Аюбхон Нўъмонов, Зоҳид Абдуллаев.

Заҳирадан майдонга тушганлар: Улуғбек Худойбердиев, Фарҳод Намозов, Сардор Расулов, Муҳаммад Қаҳрамонов.

"Машъал": Шоҳруҳ Эшбўтаев, Сирож Ҳамроев, Жаҳонгир Жиямуродов, Аббос Шодмонов, Аваз Агалиев, Мирзоҳид Ғофуров, Дилявер Абибуллаев, Ғулом Ҳайдар Ғуломов, Зафар Тўраев, Ҳумоюн Муртазоев, Ихтиёр Тошпўлатов. Заҳирадан майдонга тушганлар: Шерзод Абдураимов, Шаҳзод Шайманов, Мақсуд Маҳмудов, Темур Машарипов.