Маълумки, ўтган йили жамоамиз қошида “Мухлислар клуби” ташкил этилган эди. Бир йиллик фаолияти давомида Қаҳрамонжон Исроилов ва Илҳомжон Қундузов бошчилик қилган “Қўқон-1912 мухлислар клуби” мақташга арзигулик ишлари амалга оширди.

Хусусан, мухлислар клуби вакиллари жамоани хоҳ сафарда бўлсин, хоҳ ўз майдонимиздаги ўйинларда бўлсин тинмиз қуллаб-қувватлаб туришди. Айтиш жоизки, жамоамизнинг ғалабаларида уларнинг ҳам ҳиссалари беқиёсдир.

Мухлислар клубининг ҳатто Бухородаги ўйингача боргани таҳсинга сазовор. Бу борада қўқонлик мухлислар мамлакатимизда етакчилардан бири бўлишди.

Бу йил ҳам “Мухлислар клуби” ўз олдига улкан мақсадларни қўйган ҳолда янги мавсумга тайёргарликни бошлади.

“Қўқон-1912” жамоаси мухлислар клубига аъзо бўлишни истаган футбол ихлосмандлари диққатига.

“Мухлислар клуби”га аъзо бўлиш учун ҳужжатлар қабул қилина бошлади. Бунинг учун қуйидаги ҳужжатларни тақдим этиш керак бўлади:

- Яшаш жойидан маълумотнома
- Паспорт нусхаси
- 3/4  ҳажмдани тўрт дона фотосурат

Батафсил маълумот учун телефон: +998905087799 +998916911912