Ўтган мавсумни Қаршининг “Насаф” клуби сафида ўтказган словениялик ҳимоячи Рок Рой янги мавсумда ҳам катта эҳтимол билан “аждарлар” сафида тўп тепади.

Футболчи билан боғланганимизда у аллақачон Қаршига етиб келганини, аммо ҳали “Насаф” машғулотларига қўшилмаганини таъкидлади. 29 ёшли футболчи келаси ҳафтадан машғулотларга қўшилиши мумкин экан. Агар томонлар ўзаро келиша олишса, янги шартнома тузилади. Ҳозирда эса Рок Рой эркин агент мақомида.

Таъкидлаш жоиз, Рок Рой илгари “Тараз”, “Заврч”, “Фолендам”, “Рудар”, “Олимпия” ва “Марибор” каби жамоалар шарафини ҳимоя қилган.