Профессионал бокснинг WBA президенти Гильберто Мендосанинг таъкидлашича, WBAнинг кичик турнирида ғолиб чиққан боксчи супероғир вазн тоифасида мутлоқ жаҳон чемпиони бўлади.

WBAнинг қарорига кўра турнир сеткаси қуйидагича кўринишда бўлади.

Биринчи жуфтлик: Тайсон Фьюри (WBA суперчемпиони) — Владимир Кличко

Иккинчи жуфтлик: Луис Ортис (WBAнинг вақтинчалик жаҳон чемпиони) — Александр Устинов (ҳозирча рақибнинг расмий номи эълон қилинмаган)

Учинчи жуфтлик Руслан Чагаев (WBAнинг мунтазам чемпиони) — Лукас Браун

Ушбу иштирокчининг рақиби йўқ: Фрес Окендо

1 ва 2-жуфтлик ғолиблари ўзаро учрашишади, 3-жуфтлик ғолиби эса Фрес Окендога қарши кураш олиб боради.

Аввалги хабарларга кўра, Кличко – Фьюри ўртасидаги реванш жанги 7 май санасида ўтказилиши мумкин.