Кеча “Бухоро” Тошкентда тўпланиб, мавсумолди йиғинларнинг учинчи босқичини бошлаб олди.

Иккинчи йиғинда жамоа сафига келиб қўшилган ҳимоячи Артём Филипосян ва ҳужумчи Баходир Пардаев “Бухоро” билан шартнома имзолашди.

Пардаев ўтган мавсумда “Пахтакор” сафида ҳаракат қилди. У мавсум давомида 23 марта майдонга тушди ва 887 даиқиқа майдонда ҳаракат қилди. Ўтказилган учрашувларда Пардаев жами 4 марта рақиблар дарвозасини ишғол қилди.

Артём Филипосян утган мавсумнинг биринчи даврасини Тошкентнинг “Бунёдкор” жамоасида ўтказди ва 9 та учрашувда майдонга тушди.

Иккинчи даврада эса ҳимоячи Самарқанднинг “Динамо” жамоасига кўчиб ўтди. У “Динамо”да 12 та учрашув ўтказиб, 1 та гол урган.