Аввал хабар бериб ўтганимиздек, эртага жамоамизнинг учинчи йиғини бошланади. Эртага футболчилар соат 15:30 машғулотни бошлашади.
Йиғиннинг дастлабки кунлари Қўқонда ўтказилади. 28 январдан эса йиғин Фарғонага кўчирилади. Жамоа аъзолари Фарғона шаҳридаги “777” меҳмонхонасига тўпланиб, анъанавий “Вилоят Ҳокими Кубоги” баҳсларида иштирок этишади. Ушбу мусобақа 29 январь – 6 февраль кунлари ўтказилиши режалаштирилган.
Шундан кейин футболчиларга қисқача таътил берилади. 10-21 февраль кунлари эса тўртинчи йиғин Тошкентда ташкил этилади. Режага кўра, жамоамиз ПФЛ Кубогида қатнашиши кўзда тутилган эди. Аммо режалар ўзгарди. “Қўқон-1912” жамоаси ПФЛ Кубогида иштирок этмайди.
25 февралдан эса Олий лига биринчи тури доирасидаги “Обод”га қарши кечадиган ўйинга тайёргарлик бошланади.
