24 январь куни Фарғонанинг “Нефтчи” клуби назорат баҳсида “Олмалиқ”қа қарши рақобат олиб борди. Учрашув олмалиқлик футболчиларнинг 1:0 ҳисобидаги ғалабаси билан якунланди.  Заҳирадан курашга қўшилган Никита Павленко ўйиндаги ягона голга муаллифлик қилди ҳамда ушбу тўп “Олмалиқ” жамоасига ғалаба келтирди.

Андрей Фёдоров мазкур ўйинда Мансур Саидов, Бахтиёр Ёқубов, жароҳатидан энди тикланаётган Жаҳонгир Меҳмонов ва Абдумавлон Абдужалиловни майдонга туширмади. Улар баҳсдан сўнг алоҳида гуруҳ бўлиб шуғулланишди.  

“Олмалиқ” жамоасига қарши ўйин тенг курашлар остида ўтди. Биринчи бўлимда беллашув асосан майдон марказида кечганини айтиш мумкин. Иккинчи таймда нисбатан ҳужумлар сони ошди. Хусусан, фарғоналиклар ҳужумчиси Шерзод Ҳакимовда ҳам гол киритиш учун бир қатор қулай вазиятлар юзага келди. Иккинчи бўлимда “Олмалиқ” захирасидан курашга қўшилган футболчилар ўйинни кучайтиришди. Умуман, учрашув давомида хар икки жамоада ҳам гол киритиш учун қулай вазиятлар  бўлди. Фақатгина Никита Павленко иккинчи бўлимдаги мана шундай вазиятлардан бирида рақиб дарвозасини ишғол этишга муваффақ бўлди.

“Олмалиқ” -  “Нефтчи” 1:0
Гол: Никита Павленко.
“Олмалиқ”:  Михаил Наумов, Евген Гоголь, Дарко Станоевич, Азамат Исроилов, Иброхим Раҳимов, Достон Абдураҳмонов, Арслон Аманов, Достон Тошматов, Сирожиддин Маҳмудов, Мурод Ражабов, Ислом Исоқжонов.
Захирадан ўйинга қўшилганлар: Умид Хонимқулов, Азиз Суюнов, Абдуқаҳҳор Ҳожиакбаров, Ислом Иномов, Рахмат Бердимуродов, Диёр Туропов, Зоир Пиримов. Никита Павленко, Муҳаммад Исаев, Рўзимбой Аҳмедов, Фарход Тожиев.
“Нефтчи”: Сергей Смородин, Ҳусниддин Ғофуров, Шукур Пўлатов, Алишер Саматов, Илҳом Бойдедаев,  Муҳсин Убайдуллаев, Умид Қодиров, Сардор Эминов, Жамшид Ҳошимов, Отабек Исроилов, Шерзод Ҳакимов.
Захирадан ўйинга қўшилганлар: Ўткир Юсупов, Сардор Қулматов, Дилёр Ирматов, Аббос Махсталиев, Мурод Бобожонов, Бобур Фарходов.

Эслатиб ўтамиз, "Нефтчи" навбатдаги назорат баҳсини 27 январь куни Жиззахнинг “Сўғдиёна” жамоасига қарши ўтказади.

"Нефтчи" ПФК матбуот хизмати.