Ҳозиргина “Бухоро” навбатдаги назорат учрашувини ўтказди. Бу учрашувда жамоамиз Муборакнинг “Машъал” жамоасига қарши тўп сурди ва 0:1 ҳисобида мағлуб бўлди.
Бу учрашувда бухороликлар катта устунликка эга бўлишди ва жуда кўплаб голли вазиятлардан унумли фойдалана олишмади. Муборакликлар эса саноқли вазиятларнинг бирини голга айлантира олишди ва ғалаба қозонишди.
Ушбу учрашувда “Бухоро” таркиби қуйидагича бўлди:
Сардор Қобулжонов, Максимилиан Фомин, Артём Филипосян, Отабек Нарзуллаев, Бобир Амонов, Павел Смоляченко, Сухроб Нематов, Саламат Қутибоев, Маъруф Муродов, Санъат Шихов, Баходир Пардаев
Заҳирадан тушганлар: Алишер Шоғуломов, Тимур Ҳакимов, Дилшод Шарофетдинов, Жамолиддин Убайдуллаев, Алишер Санаев, Нозим Умуров, Нодир Давлатов.
Бу учрашувда Олимпиа терма жамоаси ҳужумчиси Тимур Ҳакимов “Бухоро” таркибида дебют қилди. Бундан ташқари яна бир Олимпиа терма жамоаси аъзоси, ҳимоячи Сардор Раҳмонов ҳам бухороликлар сафига келиб қўшилди. У кеча машғулотларни бошлаб юборганлиги сабабли, бугунги учрашувда иштирок этмади.
Тажрибали ҳимоячимиз Руслан Мелзиддиновда кичик жароҳат борлиги учун, у ҳам бугун учрашувда иштирок этмади.
Назорат учрашуви. 26.01.19
“Машъал”-“Бухоро” 1:0 (1:0)
“Бухоро” кейинги назорат учрашувини 29 январь куни Бекободнинг “Металлург” клубига қарши ўтказади.
