Мавсумлар оралиғида жамоамизда бош мураббий сифатида иш бошлаган Рашид Ғофуровни айни пайтда асосий муаммо сифатида нима қийнамоқда. Мураббий “Аср футболи” газетаси мухбирига берган интервьюсида бу ҳақда қуйидагиларни билдириб ўтди:
- Бу таркиб билан боғлиқ масала. Жамоада ҳамма нарса етарли бўлса-ю, аммо таркиб кўнгилдагидек бўлмаса бундан катта муаммо бўлмаса керак. Тўғрисини айтадиган бўлсам, ўйинчиларда “Навбаҳор”га нисбатан ишончсизлик пайдо бўлиб қолган. Биздан олдин бу ерда қандай йўллар билан ишлашганини билмади-у, лекин футболчиларда барибир клубга нисбатан ишончсизлик сезилиб турибди. Биз эса ҳаммасини яхши бўлишига, энди бошқача иш юритилиши ҳақида гапираётган бўлсак-да, уларни ишонтириш қийин кечяпти. Мавсум бошлангунигача ҳаммасини ижобий тарафга ўзгартиришга ҳаракат қиламиз.
