Янги мавсумга Тошкентда тайёргарлик жараёнларини олиб бораётган “Оқ бўрилар” жамоасида яқинда ўзгариш юз берган эди. Бош мураббийлик вазифасига таклиф этилган Александр Волков номаълум сабабларга кўра, “Шўртан” лагеридан “йўқолиб” қолган эди…
Бугун 26 январь санасида клуб раҳбарияти – Бош Директор Облаёр Расулов ҳамда мураббийлар гуруҳи иштирокида кенгайтирилган йиғилиш ўтказилди. Йиғилиш якуний қарорига мувофиқ, жамоанинг бундан кейинги тайёргарлиги ва умуман барча мусобақаларда қатнашиши бўйича жавобгарлик Зоир Тўрақулов зиммасига юклатилди. Раҳбариятнинг қарорини барча бир овоздан тасдиқлади ва натижада, “Шўртан” клубида кўп йиллардан буён меҳнат қилиб келаётган ушбу мутахассис расман “Оқ бўрилар” жамоасига бош мураббий этиб тайинланди.
“ШЎРТАН” ПФК матбуот хизмати
